मोटरसाईकल दुर्घटना हुदा १ जनाको मृत्यु

फायल फोटो,

उदयपुर, मंसिर ८ गते । रातो तारा डट कम,उदयपुरको कटारी नगरपालिका-८ स्थित सिद्दीचरण राजमार्गको घुम्ती भन्ने स्थानमा मोटरसाईकल दुर्घटना हुदा १ जनाको मृत्यु भएको छ । शनिबार बेलुका पौने ८ बजेको समयमा बेतीनीबाट कटारी तर्फ आउँदै गरेको स ११ प ३२२८ नंबरको मोटरसाईकल र कटारीबाट लेखानी तर्फ गईरहेको ना ७ ख ४६१५ नंबरको ट्रक एक आपसमा क्रस हुने क्रममा सडकको साईडको नालिमा मोटरसाईकल पल्टिएर दुर्घटना हुँदा मोटरसाईकलको पछाडि सवार उदयपुरको कटारी नगरपालिका-३ बस्ने बर्ष ३७ को सन्तोष कार्की घाईते भई उपचारको लागी कटारी अस्पताल ल्याईएकोमा उपचारको क्रममा बेलुका सवा ९ बजेको समयमा मृत्यु भएको थियो । घटनाबारे जानकारी पाउनासाथ ईलाका प्रहरी कार्यालय कटारी उदयपुरबाट खटिएको प्रहरीको टोलीले मोटरसाईकल चालक कटारी नगरपालिका-३ बस्ने बर्ष ३१ को नवराज कुँवर र ट्रक चालक उदयपुरको रौतामाई ४ बस्ने राज कुमार भुजेल लाई ट्रक र मोटरसाईकल सहित नियन्त्रणमा लिएर थप अनुसन्धान गरिरहेको उक्त कार्यालयले जनाएको छ ।