कालापानीको समस्य लम्पसारवादमा परिणत हुदै–सभापति देउवा

काठमाण्डौ मंसिर ७ गते । रातो तारा डट कम,नेपाली काँग्रेसका सभापति शेरबहादुर देउवाले सरकारले अख्तियार दुरुपयोग अनुसन्धान आयोगलाई शाही आयोग जस्तै बनाउन लागेको आरोप लगाउनुभएको छ । पोखरामा आयोजित कार्यक्रममा सभापति देउवाले सरकार अख्तियारलाई शाही आयोग बनाउन उद्दत रहेको भन्दै आलोचना गर्नुभयो ।  संवैधानिक परिषदलाई कठपुतली बनाएर सम्पूर्ण ठाउँमा आफ्ना मान्छे नियुक्त गरेको देउवाको आरोप छ । सरकारका गलत काम विरुद्ध सडक र सदनमा लड्ने देउवाले बताउनुभयो । काँग्रेस सभापति देउवाले प्रधानमन्त्री केपी शर्मा ओलीको राष्ट्रवाद कालापानीमा लम्पसारवादमा परिणत भएको आरोप लगाउनुभयो ।  नेपाल डेमोक्यार्टिक लयर्स एसोसियसनको ३० औं साधारणसभामा सभापति देउवाले अदालतलाई स्वतन्त्र राखिनुपर्ने भन्दै यो निष्पक्ष रह्यो भने सरकारले गलत गरेपनि सच्याउन सकिने धारणा राख्नुभयो ।