क्रिकेटका नयाँ कप्तानलाई प्रधानमन्त्रीको बधाई

काठमाण्डौ कार्तिक १५ गते । रातो तारा डट कम,नेपाली क्रिकेट टिमका नयाँ कप्तान ज्ञानेन्द्र मल्ललाई प्रधानमन्त्री केपी ओलीले बधाई दिनुभएको छ । ओलीले आज सामाजिक सञ्जाल ट्विटरमार्फत मल्ललाई बधाई दिनुभएको हो । करिब १० वर्ष कप्तानको भूमिकाबाट पारस खड्काले राजीनामा दिएपछि मल्लले कप्तानको जिम्मेवारी पाउनुभएको हो । ‘नेपाली क्रिकेट टोलीको कप्तान छानिनुभएकोमा ज्ञानेन्द्र मल्ललाई हार्दिक बधाई दिन चाहन्छु, उहाँको नेतृत्वमा नेपाली क्रिकेटले नयाँ उचाई प्राप्त गर्ने विश्वाससहित शुभकामना व्यक्त गर्दछु ।’ प्रधानमन्त्री ओलीले लेख्नुभएको छ ।