महिला भलिबलको खेल तालिका सार्वजनिक

काठमाण्डौ मंसिर ५ गते । रातो तारा डट कम,नेपालमा आयोजना हुने १३ औं दक्षिण एसियाली खेलकुद प्रतियोगिता (साग) को महिला भलिबलको खेल तालिका सार्वजनिक गरिएको छ । त्रिपुरेश्वरस्थित कभर्डहलमा हुने प्रतियोगितामा नेपाल समूह ‘ए’ मा परेको छ । नेपालको समूहमा भारत र बंगलादेश रहेका छन् । 

समूह ‘बी’ मा माल्दिभ्स, श्रीलंका र पाकिस्तान रहेका छन् । ६ टिम सहभागी महिला भलिबल लिग कम नकआउटका आधारमा सञ्चालन हुनेछ । खेल तालिका अनुसार नेपालले बंगलादेशसँग खेल्दै सागको सुरुवात गर्नेछ । 

नेपाल र बंगलादेशबीचको खेल अर्को साताको बुधबार हुनेछ । यस्तै भारतसँग अर्को साताको शुक्रबार खेल्ने छ । समूहको शीर्ष दुई टिम सेमिफाइनलमा पुग्ने छन् ।