आगलागीमा परी बालकको मृत्यु

श्याम राई-गाइघाट, मंसीर ६  गते । रातो तारा डट कम,घरमा आगलागी हुदा जलेर विहीबार साझ एक बालकको मृत्यु भएको छ । उदयपुरको त्रियुगा नगरपालिका १६ रातापानी बस्ने चन्द्र बहादुर राइको ६ वर्षिय छोरा विष्णुको आगलागीमा परी मृत्यु भएको  प्रहरीले जनाएको छ ।

घरमा कोही नभएको बेला मृतक बालकले लाइटर खेलाउदा कुसको छाना भएको  दूइ तले घरमा आगो लागेको थियो । आगलागीबाट लत्ताकपडा, अन्नपात, भाडाबर्तन र २ वटा सुगुर गरी झण्डै १८ लाख मूल्य बराबरको धनमाल नष्ट भएको जिल्ला प्रहरी कार्यालय उदयपुरका एस्पि बीर बहादुर मगरले बताए ।

आगलागीबाट अर्का छिमेकी बम बहादुर राइको २ तल्ले माटोको घर समेत जलेर नष्ट भएको छ । घरमा कोही पनी नभएको वेला भएको आगलागी बाट घरमा रहेको नगद, लत्ताकपडा, खाद्धान्न समेत जलेर झण्डै १४ लाख मूल्य बराबरको क्षती भएको प्रहरीले जनाएको छ ।