नेपाल कृषि सहकारी केन्द्रीय संघद्वारा आयोजित प्रादेशिक गोष्ठी सम्पन्न।

शिव भट्टराई, मोरङ । रातो तारा डट कम,मोरङको सुन्दर हरैचा - ६ स्थित साना किसान कृषि सहकारी संस्था सुन्दरपुर को सभाहलमा शुक्रबार नेपाल कृषि सहकारी केन्द्रीय संघ धोबीघाट ललितपुर द्वारा आयोजित प्रादेशिक गोष्ठी सम्पन्न भएको छ।

कार्यक्रममा भूमि व्यवस्था कृषि तथा सहकारी मन्त्रालय प्रदेश नं १ का सचिव विमल कुमार निर्मलले प्रमुख अतिथिको आशनबाट बोल्दै ,कृषि क्षेत्रमा पहिले भन्दा अहिले निकै विकास भई सकेको र अझ विकास गर्नका लागि प्रदेश सरकारले स्थानीय सरकार संग कसरि समन्वय गरेर सेवालाई प्रभावकारी बनाउने कार्यमा आफू लागि रहेको बताएका थिए।त्यस्तै उनले कृषिलाई उद्योगमा लगेर कृषकहरुका लागि रोजगारीको श्रृजना गराउन लागिपरीरहेको बताए।त्यस्तै कार्यक्रममा नेपाल कृषि सहकारी केन्द्रीय संघका महाप्रबन्धक रुद्र भट्टराईले स्वागत मन्तव्य दिएका थिए।

नेपाल कृषि सहकारी केन्द्रीय संघका अध्यक्ष खेम वहादुर पाठक विशिष्ठ अतिथि रहेका थिए। साथै कार्यक्रममा साना किसान कृषि सहकारी संस्था सुन्दरपुरका अध्यक्ष रविन्द्र आचार्य साथै १ नं प्रदेशभरिका साना किसान कृषि सहकारी संस्थाका अध्यक्ष साथै प्रबन्धकको गोष्ठीमा उपस्थिति रहेको थियो । 

प्रदेश कृषि सहकारी संघ प्रदेश नं १ का संयोजक खगेन्द्र राज भण्डारीको सभापतित्व रहेको थियो ।

सो कार्यक्रम नेपाल कृषि सहकारी केन्द्रीय संघका कार्यक्रम अधिकृत अविनाश पौडेलले सञ्चालन गरेका थिए।