नेपाली काँग्रेसमा महाअधिवेसन विवाद अझै मिल्न सकेन

काठमाण्डौ पुस १३ गते । रातो तारा डट कम, नेपाली काँग्रेसले महाधिवेशनको मिति तोके सकेको भए पनि नेपाली काँग्रेसमा महाअधिवेसन विवाद अझै मिल्न सकेको छैन । नेपाली काँग्रेसको रामचन्द्र पौडेल पक्षले केन्द्रीय कार्यसमितिले बहुमतका आधारमा गरेको निर्णय सच्याउन माग गरेको छ । 

पौडेल र कृष्णप्रसाद सिटौला पक्षको बहिस्कारकाबीच शुक्रबार बसेको केन्द्रीय कार्यसमितिको बैठकले कार्यकाल एक वर्ष थप्ने, २०७७ फागनु सात देखी १० गते सम्म १४ औं महापधिवेशन गर्ने निर्णय गरेको थियो । त्यसपछि हिजो बसेको पौडेल पक्षको बैठकले गलत मनसायका साथ निर्णय भएको ठहर गरेको छ । 

बैठकपछि पौडेल पक्षमा नेता नविन्द्रराज जोशीले विधानका महत्वपूर्ण धारा निलम्बन गरिएको भन्दै उहाँले यसलाई षड्यन्त्रको रुपमा लिन सकिने बताउनुभयो । २०७७ फागुनमा महाधिवेशन गर्ने निर्णयमा पनि पौडेल समूहले असहमति जनाएको छ । थपिएको म्यादको पनि अन्तिम समयमा महाधिवेशन गर्ने निर्णय गरेर सभापति शेरबहादुर देउवाले पार्टीलाई धरापमा पर्न खोजिएको पौडेलको आरोप छ । 

महामन्त्री डा. शशांक कोइरालाले पार्टीले एक बनाउनुपर्ने बेलामा धरापमा पार्न खोजिएको बताउनुभयो । वरिष्ठ नेता पौडेलले बहुमतको निर्णयबारे देशभर कार्यकर्तासँग परामर्श गर्ने समेत बताउनुभयो ।