बेलबारी नगरपालिकाका मेयर ज्ञानेन्द्र सुवेदीले ट्रमासेन्टर अस्पताल बनाउनका लागि २ विघा जग्गा दिने घोषणा गरे

बेलबारी मोरङ । रातो तारा डट कम,मोरङको बेलबारी नगरपालिकाका मेयर ज्ञानेन्द्र सुवेदीले ट्रमासेन्टर अस्पताल बनाउनका लागि २ विघा जग्गा दिने घोषणा गरेका छन् ।

बेलबारी नगरपालिका ५ मा रहेको कसेनि स्वास्थ्य चौकीको नव निर्मित भवन तथा ल्यावसेवाको उद्घाटन गर्दै मेयर सुवेदीले बेलबारी बजार नजिकै रहेको करिब २ करोड रुपैयाँ पर्ने जग्गा दिने घोषणा गरेका हुन् । 

‘बेलायती एक संस्थाले ट्रमा सेन्टर बनाउन जग्गा उपलब्ध गराउन भन्यो’, मेयर सुवेदीले भने, ’सम्बृद्ध नगर खुसि नगरबासी भन्ने नगरपालिकाको नारालाई साकार बनाउन लागेको हुँ ।’ उक्त संस्थासँग यहि माघ भित्र ट्रमा सेन्टर बनाउन सम्झौता गर्ने समेत उनले बताए ।

ट्रमासेन्टर चोटपटकबाट मृत्युको मुखमा पुगेका घाइतेहरूलाई जीवन दिने ठाउँको रुपमा लिइन्छ । ‘गम्भीर घाइतेलाई उचित ढङ्गले ट्रमा सेन्टर पु(याउन सके चोटपटकका बिरामीहरू पहिलाकै अवस्थामा फर्किन सक्ने रहेछन्,’ उनले भने । ट्रमा सेन्टरसँगै १५ सय वेडको अस्पताल समेत संचालन गर्ने उनले बताए ।

मेयर सुवेदीले यस अघिनै एक सामाजिक संस्थालाई ८ विगहा जग्गा दिइसकेका छन् । यसैगरी मयेर सुवेदीले यस आर्थिक वर्षमा नै ११ वडा रहेको बेलबारीमा २, ३, ६ र १० नम्बर वडामा स्वास्थ्य चौकीहरु बनाइसक्ने पनि मेयर सुवेदीले उद्घोष गरे ।