आजबाट चौथो अर्गानिक कृषि मेला हुदै,

काठमाण्डौ माघ १७ गते । रातो तारा डट कम,अर्गानिक कृषि उत्पादनको प्रबद्र्धन गर्न भोलीदेखि ललितपुरमा अर्गानिक कृषि मेला आयोजना गरिएको छ । ललितपुरको पाटन संग्रालय परिसरमा आयोजना हुने अर्गानिक मेलामा देशभरिबाट ५० भन्दा बढी अर्गानिक उत्पादनका स्टल रहने मेला मुल आयोजक समितिले जनाएको 

छ । माघ २० गतेसम्म सञ्चालन हुने अर्गानिक मेलामा देश भरिबाट आएका बिभिन्न अर्गानिक कृषि उत्पादनलाई एउटै थलोमा राखिने गरि व्यवस्था मिलाइएको संयोजक तथा अर्गानिक एशोसिएशन नेपालका महासचिव शान्ता बाँस्कोटा कोइरालाले बताउनुभयो । भोली एक कार्यक्रमका बिच उद्योग, वाणिज्य तथा आपुर्ति राज्यमन्त्री मोतीलाल दुगडले मेलाको उदघाटन गर्नु हुने कार्यक्रम रहेको छ ।