जनआन्दोलनको विषयवस्तुमा आधारित सामाजिक यथार्थवादी नाटक दमनको राप प्रदर्शन हुँदै

शिव भट्टराई, सुनसरी । रातो तारा डट कम,इटहरी म्याट्रिक्समा प्रदर्शन भइरहेको नाटक ‘दमनको राप’ मा २०४६ सालको जनआन्दोलनका बेला राजबन्दीहरूले भोगेका त्यस्तै यातनाहरूको कथा देखाइन्छ ।

नाटकले विशेषगरी त्यसबेला राजबन्दीमाथि प्रहरीले कस्तो व्यवहार गथ्र्यो र बन्दीहरू कसरी आफ्नो अडानमा दृढ रहन्थे भन्ने कथा प्रस्तुत गरेको छ । तत्कालीन सत्ताले धम्क्याउँदा वा प्रशस्त सम्पत्तिको लोभ देखाउँदा पनि राजबन्दीहरू हलचल नगरी देश र प्रजातन्त्रका लागि मर्न तयार भएकैले प्रजातन्त्र स्थापना गर्न बाध्य भएको नाटकले सन्देश दिन्छ ।

नाटकलाई जीवन्तता दिन कलाकारहरूले निक्कै मेहनत गरेका छन्। दर्शकहरुले त्यतिबेलाको समयमा आफूले प्रत्यक्ष हेर्न नपाए पनि नाटकका माध्यमबाट अहिले पनि वास्तविकता हेर्न पाएकाले खुसी व्यक्त गरेका थिए।