जनजागृती प्राथामिक विद्यालयमा आगलागी

काठमाण्डौ माघ १७ गते । रातो तारा डट कम,सिन्धुलीको ग्यास सिलिन्डर विष्फोट भएर फिक्कल गाउँपालिकाको एक विद्यालयमा आगलागी भएको छ । गाउँपालिकाको वडा नम्बर ६ शोकुखोला स्थित जनजागृती प्राथामिक विद्यालयमा ग्यास सिलिन्डर विष्फोट भएको हो । ग्यास सिलिन्डर विष्फोट हुँदा विद्यालयमा रहेका कुर्सी, टेवल लगायतका फर्निचरका सामान गरि ५० हजार बराबरको क्षेती भएको विद्यालयले जनाएको छ ।

 दिउँसो विद्यालयमा खाजा पकाउनका लागि प्रयोग हुँदै आएको नोबेल ग्यास केही समय पहिले देखि नै लिग हुदै आएकाले आज विस्फोट भएको विद्यालयका शिक्षक प्रेम बहादुर तामाङ्गले जानकारी दिनुभयो । घटनाको समयमा ग्यास सिलिन्डर भएको कार्यालयको कोठामा कोही नभएको र घटना हुन साथ कपडा भिजाएर ग्यास निभाउन सफल भएकाले मानवीय क्षेती हुनबाट जोगिएको उहाँले बताउनुभयो । १६ गते बिहानै ग्यास सिलिन्डर विष्फोट भएर आगालागी हुँदा विद्यालयमा सरस्वती पुजा विशेष समेत प्रभावित भएको शिक्षक तामाङ्गले बताउनुभयो ।