दुई सय भन्दा बढी छाउगोठ भत्काइयो

काठमाण्डौ माघ १९ गते । रातो तारा डट कम,कञ्चनपुरमा दुई सय भन्दा बढी छाउगोठ भत्काइएको छ । गृह मन्त्रालयको निर्देशनपछि जिल्ला प्रशासन कार्यालय, सुरक्षा निकाय र जनप्रतिनिधिको संयुक्त टोलीले छाउगोठ भत्काउने अभियान अन्र्तगत कञ्चनपुरमा दुई सय २० वटा छाउगोठ भत्काएको हो । 

जिल्ला प्रहरी कार्यालय कञ्चनपुरका अनुसार सबैभन्दा बढी बेदकोट नगरपालिका र पुर्नवास नगरपालिकामा छाउगोठ भत्काइएको छ । स्थानीय, सुरक्षा निकाय, जनप्रतिनिधिको सहभागीतामा जिल्ला भरीका दुई २० छाउगोठ भत्काइएको कञ्चनपुरका प्रहरी प्रमुख प्रहरी उपरीक्षक मुकुन्द मरासैनीले जानकारी दिनुभयो ।

अभियानको पहिलो चरणमा छाउगोठहरु भत्काउने काम सम्पन्न भएको बताउँदै फेरि पनि छाउगोठ बनाएको भेटिए कानुनी कारवाही गरिने बताउनुभयो ।