एक टोल एक चौकी र एक पालिका एक इलाका प्रहरी कार्यालय स्थापनाको अवधारण आउदै,

काठमाण्डौ । रातो तारा डट कम,गृहमन्त्री रामबहादुर थापाले व्यवस्थापनको हिसाबले नेपाल प्रहरीको अवस्था त्यति राम्रो नभएको बताउनुभएको छ । चितवनको जुटपानीमा बनेको प्रहरी चौकी भवनको उद्घाटन गर्दै मन्त्री थापाले प्रहरीको अवस्था सडक छापको जस्तो भएको र उनीहरुको मनोबल उठाउन चौकी र भवनहरु बनाउन आवश्यक रहेको बताउनुभयो ।  देशका धेरै ठाउँमा चौकीको भवन नै नभएको गृहमन्त्री थापाले बताउनभयो । सरकारले ‘एक टोल एक चौकी र एक पालिका एक इलाका प्रहरी’ स्थापना गर्ने योजना अगाडि सारेको पनि उहाँले जानकारी दिनुभयो । सरकारले छिट्टै प्रदेश प्रहरी गठन गर्न लागेको र यसका लागि समायोजनको प्रक्रिया सुरु भएको मन्त्री थापाको भनाइ थियो ।