घरघर मै पुगेर स्वास्थ्य परीक्षण गर्न सुरु

काठमाण्डौ बेशाख १८ गते । रातो तारा डट कम,काभ्रेको तेमाल गाउँपालिकाले नागरिकको घर, घर मै पुगेर स्वास्थ्य परीक्षण सुरु गरेको छ । बैशाख १५ गतेबाट गाउँपालिकाले प्रत्येक नागरिकको घरघर मै पुगेर निःशुल्क स्वास्थ्य परीक्षण र औषधी वितरण गरिरहेको जनाएको छ । तेमाल गाउँपालिकाका अध्यक्ष सलामसिं तामाङले उपत्यका लगायत अन्य जिल्लाबाट आएका नागरिकका कारण कोरोना त्रास बढेपछि पालिका भित्रका सबै नागरिकको निःशुल्क परीक्षण सुरु गरिएको जानकारी दिनुभयो । गाउँपालिका उपाध्यक्ष दुर्गामाया तामाङले २६ हजार नागरिकको घरघरमा स्वास्थ्यकर्मी पुगेर स्वास्थ्य परीक्षण गर्ने जानकारी दिनुभयो । तेमाल गाउँपालिका स्वास्थ्य शाखाका प्रमुख शिवहरी पाठकले २० स्वास्थ्यकर्मी स्वास्थ्य परीक्षणका लागि खटिएको जानकारी दिनुभयो ।