लागु औषध सहित दुई यूवालाई पक्राउ

श्याम राई-उदयपुर-गाईघाट चैत २० गते । रातो तारा डट कम, घाँस विक्रि लुकाएर ल्याउँदै गरेको अवस्थामा प्रहरीले वुधवार साँझ लागु औषध सहित दुई यूवालाई पक्राउ गरेको

छ । उदयपुर र सप्तरीको सीमाको मोतिहाई जंगल हुँदै मोटरसाईकलमा घाँस लिएर आउँदै गरेका त्रियुगा नगरपालिका २ का २४ बर्षिय विवेक राई र २२ बर्षिय भुपेन्द्र राइ बेलुकी ७ बजे ९० थान लागु औषध सहित पक्राउ गरिएको जिल्ला प्रहरी कार्यलय उदयपुरका एसपी विर वहादुर वुढा मगरले बताए ।

डाईजोल्याब ३० एम्पुल, लुजिजेसिक ३० एम्पुल र फेनारागन ३० एम्पुल सहित लु ४६ प ४४८ र स ११ प ४९७५ नम्बरको मोटरसाईकल समेत बरामद गरिएको प्रहरीले जनाएको छ ।

लकडाउनको बेला प्रहरी बजार केन्द्रित बनेको बेला लागू औषधका कारोबारीले मौका छोपेर लागू औषधको ओसार पसार गरिरहेको प्रहरीले जनाएको छ ।

‘ अब सबै नाकामा प्रहरी सक्रियता बढाएर चेकजाचमा कडाई गरिने छ ।’ एस.पी. बुढामगरले भने ।