बेलबारी नगरपालिकाको बिपद ब्यबस्थापन कोषको लागि ३ लाख १३ हजार ३ सय १७ रुपैया प्यावसन तथा एनप्याबसनले रकम हस्तान्तरण गरे

मोरङ बेलबारी चैत  २२ गते । रातो तारा डट कम,प्यावसन तथा एनप्याबसन नगर समिति बेलबारीले बेलबारी नगरपालिकाको बिपद ब्यबस्थापन कोषको लागि ३ लाख १३ हजार ३ सय १७ रुपैया नगरपालिकाका नगर प्रमुख ज्ञानेन्द्र सुवेदीलाई हस्तान्तरण गरेका छन् । हस्तान्तरण प्यावसन मोरङका कोषाध्यक्ष जगत बस्नेत, नगर अध्यक्ष भुपाल बस्नेत र एन प्यावसन नगर अध्यक्ष नारायण ढकालले नगरपालिकामै आएर सयुक्त हस्तान्तरण गरेका हुन ।

यस्तै बेलबारी ११मा रहेको जनएकता बचत तथा ऋण सहकारी संस्थाले २५ हजार राहतकोषका लागि सहकारीका अध्यक्ष जगत बस्नते र सचिव नरेन्द्र बस्नतेले मेयर सुवेदीलाई हस्तान्तरण गरेका छन् । लालिगुरास सहकारी संस्था बेलबारीले ५१ हजार, एकता बचत तथा ऋण सहकारी संस्थाले १० हजार रुपैया कोषमा जम्मा गरीसकेका छन् ।

एनएमवि बैक शाखा कार्यालय बेलबारीमा रहेको खाता नम्बर ०५४००६२१२४६०००११ मा राजनितिक दल, गैरसरकारी संघसस्था, निर्माण ब्याबसायि,वित्तिय संघसंस्थाहरु ,समुह तथा ब्याक्तिहरुलाई सहयोग गरिदिन समेत नगरपालिकाले अपिल गरेको छ ।बिपद ब्यबस्थापन कोषमा सहयोग गर्नेहरुलाई मेयर सुवेदीले धन्यवाद ज्ञापन गरेका छन ।

(बेलबारी अनलाइन)