विज्ञप्ति–राम्रो काम नगर्ने कर्मचारी लाई मन्त्रालयले हटाउँने

काठमाण्डौ असार १५ गते । रातो तारा डट कम,संस्कृति, पर्यटन तथा नागरिक उड्डयनमन्त्री योगेश भट्टराईले राम्रो कार्यसम्पादन नगर्ने कर्मचारीलाई विनम्रतापूर्वक हटाइने दाबी गर्नुभएको छ । मन्त्रालयमा आयोजित एसएमटी (सिनियर मेनेजमेन्ट टिम)को बैठकलाई हिजोसम्बोधन गर्दै उहाँले आगामी आर्थिक वर्षको सुरुबाटै काममा संक्रिय भएर लाग्ने बताउनुभएको हो । मन्त्रालयले विज्ञप्ति जारी गरेर बैठकबारे जानकारी दिएको हो । राम्रो काम नगर्ने कर्मचारीलाई हटाइने भट्टराईलाई उद्धृत गर्दै विज्ञप्तिमा भनिएको छ । उहाँले चालू वर्षमा सम्पन्न हुन बाँकी काम १५ दिनभित्र पूरा गरिसक्न पनि निर्देशन दिनुभएकोछ । साथै कोभिड–१९ का कारण बन्द रहेका सबै विमानस्थल सञ्चालन गर्ने गरी मापदण्डको पूर्वतयारी गर्न, होटल तथा रेस्टुरेन्ट व्यवसाय सञ्चालनका लागि जारी भएको मापदण्ड कार्यान्वयन र अनुगमन गर्न पनि उहाँले सम्बन्धित महाशाखा र निकायप्रमुखलाई निर्देशन दिएको विज्ञप्तिमा उल्लेख छ ।