जुवा खेल्दै गर्दा वडा सदस्य सहित ४ जना पक्राउ

मोहन कुमार राई - श्रावण २१ गते । रातो तारा डट कम,संखुवासभा, खाँदवारी नगरपालिका वडा नंं १ स्थित होटल वान्समोरमा  जुवाजन्य खेल भईरहेको  विशेष सुचनाको आधारमा जिल्ला प्रहरी कार्यालय संखुवासभाको प्रहरी टोलीले वडा सदस्य सहित ४ जनालाई पक्राउ गरेको छ । पक्राउ पर्नेमा पटक पटक व्यवसायिक रुपमा जुवा खेल्ने खेलाउने होटल वान्समोरका हाटल साउजी सुनिल कुमार श्रेष्ठ, अभद्र व्यवहार मुद्दामा दर्ता फैसला कार्यान्वयन  भईसकेका चिचिला गाउपालिका वडा नंं ३ का निर्वाचित वडा सदस्य आशिष राई, सामान्य ठेक्कापटा गर्ने मकालु गाउपालिका वडा नं. १ का लाक्पा शेर्पा, चैनपुर नगरपालिका वडा नंं २ वस्ने मिङमा शेर्पा रहेका छन् । नगद रु ४४ हजार २ सय ५  र १ सय ५६ पत्ति ३ बुङ तास सहित पक्राउ परेका हुन । जिल्ला प्रशासन कार्यालय संखुवासभाबाट जुवा मुद्दामा ७ दिन म्याद थप भई जिल्ला प्रहरी कार्यालय संखुवासभाले थप अनुसन्धान भईरहेको जिल्ला प्रहरी कार्यालय संखुवासभाले जनाएको छ ।