चीनका रक्षामन्त्री वेई फेङही नेपाल आउने

काठमाण्डौ मंसिर १३ गते । रातो तारा डट कम,सरकारले चीनका रक्षामन्त्री तथा स्टेट काउन्सिलर वेई फेङही भोलि एकदिने भ्रमणको लागि नेपाल आउने औपचारिक जानकारी गराएको छ । भ्रमणको क्रममा रक्षामन्त्री फेङहीले  राष्ट्रपति विद्यादेवी भण्डारी र प्रधानमन्त्री केपी शर्मा ओलीसँग औपचारिक भेटघाट गर्ने कार्यक्रम रहेको परराष्ट्र मन्त्रालयले विज्ञप्तिमार्फत जानकारी दिएको हो । प्रधान सेनापति पूर्णचन्द्र थापासँग पनि उहाँले भेट गर्ने कार्यक्रम तय भएको छ ।