ग्याँस कालोबजारी गर्ने १ जना पक्राउ

मोरङ मंसिर  २९ गे । रातो तारा डट कम, विराटनगर महानगरपालिका वडा नं .१४ मलाहा रोडमा रहेको मनिष यादवको फोटोकपी तथा ग्याँस पसलमा एउटा ग्याँस सिलिण्डरबाट अर्को सिलिण्डरमा सारी ग्याँसको तौल कम गरी बिक्री गरेको भन्ने बिशेष सूचनाको आधारमा ईलाका प्रहरी कार्यालय रानीबाट खटिएको प्रहरी टोलीले निज मनिष यादवको पसलमा खानतलासी गर्दा निजको पसलबाट ठुलो ग्याँस सिलिण्डर-११ थान, सानो ग्याँस सिलिण्डर -२ थान, तौल मेसिन-१ थान, रेगुलेटर-२ थान, एयर लिंक गर्ने पाईप १ थान समेत फेला पारी सामन सहित निज यादवलाई नियन्त्रणमा लिई थप अनुसन्धान कार्य भई रहेकोछ ।