.gif)
विराटनगर पुस ४ गते । रातो तारा डट कम, विराटनगर लेडिज सर्कल–५ ले मानव सेवा आश्रमका ५५ जना ज्येष्ठ नागरिकलाई निःशुल्क टोपी, चप्पल र खाजा उपलब्ध गराएको छ ।
विराटनगर लेडिज सर्कल–५ की अध्यक्ष सालु टिव्रेवाल नेतृत्वको टोलीले मानव सेवा आश्रममा पुगेर ५५ जना ज्येष्ठ नागरिकलाई निःशुल्क न्यायो टोपी, चप्पल र खाजा उपलब्ध गराएको हो । आश्रममा रहेका ज्येष्ठ नागरिकलाई जाडोमा न्यानो बनाउनका लागि ती सामग्री उपलब्ध गराएको संस्थाले जनाएको छ ।
संस्थाले विगत ३ वर्षदेखि निरन्तर जाडोको समयमा अति विपन्नहरुको पहिचान गरेर न्याना कपडा उपलब्ध गराउँदै आइरहेको विराटनगर लेडिज सर्कल–५ की केन्द्रीय अध्यक्ष डा. कोपिला अग्रवालले बताइन् । संस्थाका सदस्यहरुबाट रकम संकलन गरी सामग्री खरिद गरेर हस्तान्तरण गरिएको आयोजक संस्थाकी अध्यक्ष टिव्रेवालले जानकारी दिइन् । स्थापनाकालदेखि नै विभिन्न सामाजिक काम गर्दै आएको संस्थाले जनाएको छ ।
Post a Comment