ढाका उद्यमी र व्यवसायीलाई सम्मान

काठमाण्डौ पुस १३ गते । रातो तारा डट कम,तेह्रथुमको म्याङलुङ नगरपालिकाले नगर भित्र रहेर ढाका बुनाई तथा ढाका व्यवसाय गरिरहेका एक सय तिन जना ढाका उद्यमी र व्यवसायीलाई सम्मान तथा प्रविधि हस्तान्तरण गरेको छ । गरिब लक्षित उपमेयर कार्यक्रम अन्तरर्गत तेह्रथुमे ढाका उद्यमीहरुसँग गरिएको अन्तरक्रिया कार्यक्रमका साथै नगरले ८० जना उद्यमीलाई प्रविधि हस्तान्तरण तथा २३ जना उद्यमी र व्यवसायीहरुलाई सम्मान गरिएको उपमेयर पार्वती सानु डाँगीले बताउनुभयो ।

तेह्रथुमे ढाका कपडा बुनकर तथा उद्यमीहरुलाई कपडाको स्तर, ज्याला र मुल्य निर्धारण गरि बिक्रि गरिने ट्रेडमार्क प्रयोग गर्न सके डुब्लीकेसनबाट बचाई मागमा वृद्धि गर्न सकिने नगर लघु उद्यमी संघका अध्यक्ष रामसिंह आलेले कार्यपत्रमार्फत् बताउनुभयो । जिल्लामा ढाका व्यवसायीहरु धेरै भएपनि ढाका कपडाको स्तर निर्धारण नहुनु, बजार सम्भाव्यताको समुहगत रुपमा अध्ययन नहुनु, ढाका बुनकरहरुको जीबन बृद्धी सम्बन्धी कुनै कोष नहुनुले वास्तविक उत्पादन गर्ने उद्यमी ओझेलमा परिरहेको उद्यमीहरुले बताएका छन् । 

जिल्लामा बाहिर उत्पादीत ढाका कपडालाई तेह्रथुमे ढाका कपडा भनि उपभोक्तालाई झुक्याउने अवस्थालाई ट्रेडमार्कले अत्य गरिदिने हुनाले यसका लागि सम्वन्य अगाडी बढाईरहेको जिल्ला समन्वय समिति तेह्रथुमका प्रमुख शिवप्रसाद ढुङ्गानाले बताउनुभयो । निर्वाचन आयोगले आगामी प्रतिनिधिसभा निर्वाचन प्रयोजनका लागि दर्ता भएका मतदाता नामवाली अद्यावधिक गर्न सुरु गरेको छ । 

आयोगका प्रवक्ता राजकुुमार श्रेष्ठका अनुुसार निर्वाचनका लागि सुरुका चरणमा गर्नुुपर्ने कामको तयारी प्रारम्भ भएको र मतदाता नामावली अद्यावधिक गर्न थालिएको छ । सरकारले प्रतिनिधिसभाको निर्वाचन दुुई चरणमा आगामी वैशाख १७ र २७ गर्ने गरी मिति तोकिसकेकोे छ । यद्यपि, उक्त निर्वाचनका विषयमा दलबीच उत्पन्न भएको विवाद निरुपणका लागि सवर्वोच्च अदालतमा विषय प्रवेश गरेको छ ।

आयोगले ऐनमा व्यवस्था भएअनुुसार निर्वाचन घोषणा भएलगत्तै ७७ वटै जिल्ला निर्वाचन कार्यालयबाट गरिरहेको मतदाता नामावली सङ्कलन स्थगित गरेको छ । निर्धारित मितिमा निर्वाचन सम्पन्न गर्न सबैभन्दा पहिले आयोगले निर्वाचन कार्यक्रम कार्यतालिका बनाउनुुपर्ने हुुन्छ । आयोगले निर्वाचनका लागि आवश्यक पर्ने बजेट अनुुमानको काम गरिरहेको पनि श्रेष्ठले बताउनुभयो । रेडियो तीनजुरे, तेह्रथुम