बेलबारीमा २० गते देखी हातिपाइलेको औषधी खुवाइने

 

बेलबारी मोरङ चैत  २० गते । रातो तारा डट कम, हात्तीपाइले रोग विरुद्धको औषधि सेवन अभियान बेलबारीमा यही चैत २० गतेदेखि सुरु गरिने भएको छ ।  ६६ हजार ५ सय लाई खुवाउने लक्ष्य राखिएको बेलबारी नगरपालिका स्वास्थ्य शाखाका प्रमुख सन्तोष विश्वकर्माले बताए । उनका अनुसार अभियानमा ६० जना स्वास्थ्यकर्मी र ३५ जना महिला स्वास्थ्य स्वयमसेविका परिचालन हुने छन । स्वास्थ्य स्वयमसेविकाहरुलाई भने टोल टोलमा गएर सुचना प्रबाहा गर्छन स्वास्थ्य शाखाका प्रमुख विश्वकर्माले भने खुवाउनका लागि भने घर घरमै स्वास्थ्यर्कीहरु पठाउने ब्यबस्था मिलाएका छौ ।  औषधी २ बर्षभन्दा मुनि,गर्भवति, र ७ दिनका सुत्केरी तथा ओछ्यान परेका सिकिस्त बिरामी बाहेकका अन्य जोसुकैलेपनि औषधी सेवन गर्न मिल्ने स्वास्थकर्मीहरुको भनाई रहेको छ । औषधी सेवन गर्नका लागि नगर प्रमुख ज्ञानेन्द्र सुवेदीले सबैलाई आग्रह गरेका छन ।