अधिकांश जङ्गलमा आगलागी हुदा नजिकका बस्तीहरुलाई ठुलै समस्य पर्दैछ ।

काठमाण्डौ चैत १५ गते । रातो तारा डट कम,सुख्खायामसँगै नुवाकोट र रसुवाका अधिकांश जङ्गलमा आगलागी भएको छ । कतिपय जङ्गलका आगो गाउँबस्ती नजिकै आएका कारण स्थानीयवासी त्रसित भएका छन् । हाल नुवाकोट  र छिमेकी रसुवाको समेत गरी एकसय ५० भन्दा बढि जङ्गलमा आगलागी भएका छन् । धेरै स्थानमा एकै पटक आगलागी भएको र दमकललगायतका साधनहरुमा कमी भएका कारण नियन्त्रणमा समस्या भएकोछ । १२ स्थानीय तह रहेको नुवाकोटका एकसय भन्दा बढि जङ्गलमा डढेलो लागेको डिभिजन वन कार्यालय नुवाकोटले जनाएको छ । प्राय सवैै स्थानीय तहका वन क्षेत्रमा डढेलो लागेको कर्मचारीहरुले वताएका छन् । डिभिजन वन कार्यालयका अनुसार डढेलो लागकेको क्षेत्रमा कर्मचारी तथा सामूदायिक वनका पदाधिकारी परिचालन गरिएका छन् । वन कार्यालयका प्रमुख प्रेमप्रसाद सापकोटाका अनुसार अधिकांश जङ्गलमा गत वर्षको तुलनामा यस वर्ष डढेलोको घटना धेरै गुणाले बढेको छ । उहाँका अनुसार जिल्लामा हाल सामुदायिक वन ३ सय ७७ रहेका छन् भने निजी वन १५ र धार्मिक वन तीन वटा छन् । यसमध्ये हिजोसम्म एकसय भन्दा बढि सामुदायिक वनमा डढेलो लागेको छ ।