कोरोना बाट उदयपुरमा एक जनाको मृत्यु

 गाईघाट १५ असार। रातो तारा डट कम,नेपाल निर्माण ब्यावसायि संघ उदयपुरका सचिव एंवम युवा ब्यावसायि अमृत (सुुर्य) खड्काको कोरोनाको कारण मृत्यु भएको छ । त्रियुगा नगरपालिका १० बोक्से निवासी खड्काको मंगलबार बिहान मेडिसिटी अस्पताल ललीतपुरमा उपचारको क्रममा मृत्यु भएको हो । कोरोना संक्रमित भएपछि १५ दिन देखी उनको मेडिसीटीमा उपचार भैरहेको थियो । उनको शव ११ वजे काठमाण्डौ देखी हेलिकप्टर मार्फत ल्याइएको निर्माण ब्यावसायि संघ उदयपुरका अधक्ष्य कौशल आर्चायले बताए ।पछिल्लो २४ घण्टामा उदयपुरमा कोरोनाको कारण २ जनाको मृत्यु भएको जिल्ला स्वास्थ्य कार्यालय उदयपुरले जनाएको छ । जिल्लामा कोरोना बाट अहिले सम्म ५६ जनाको मृत्यु भैसकेको छ ।