नेपाल भारत बोर्डर खुल्ला भएकै कारण कोरोना संक्रमण फेरी बढ्यो–फेरी निषेधाज्ञा जारी

काठमाण्डौ साउन १५ गते । रातो तारा डट कम, भारतीहरुलाई सीमाबाट हुलका हुल नेपाल प्रबेश गराएरै फेरी कोरोना बढ्यो यो सरकारको कहिलेहि चेत खुलेन । नेपालमा कोरोना भाइरसका कारण सङ्क्रमित हुनेको संख्या ७ लाख ५० हजार नाघिसक्यो । झापामा विगत दुई सातादेखि कोरोना सङ्क्रमितको सङ्ख्या बढेसँगै १० वटा स्थानीय तहमा फेरि पूर्ण निषेधाज्ञा जारी गरिएको छ । जिल्ला प्रशासन कार्यालय झापाले निषेधाज्ञा जारी गर्न अनुमति दिएपछि स्थानीय तहले धमाधम आफ्ना क्षेत्र सिल गरिरहेका छन् । आजसम्म सिल गर्ने स्थानीय तहको संख्या १० पुगेको हो । मेचीनगर नगरपालिका, हल्दिबारी गाउँपालिका,बुद्धशान्ति गाउँपालिका, कनकाई नगरपालिका, कमल गाउँपालिका, दमक नगरपालिका, गौरादह नगरपालिका,शिवसताक्षी नगरपालिका,अर्जुनधारा नगरपालिका र बिर्तामोड नगरपालिकामा निषेधाज्ञा जारी गरिएको स्थानीय तहले बताएका छन् । हिजो मात्रै झापामा ३ सय ३४ जनामा कोरोना सङ्क्रमण पुष्टि भएको थियो भने ५ जनाको मृत्युभएको थियो ।