महिला उद्यमशिलता कर्जा सम्बन्धी अन्तरक्रिया

विराटनगर,। रातो तारा डट कम,उद्यमशिलता विकासका लागि महिला उद्यमीहरुका लागि प्रवाह हुने कर्जा सुविधा, कर्जा प्राप्तीका सहजिकरण, कर्जा प्राप्तीमा सहयोग पु¥याउने उद्देश्यका साथ महिला उद्यमशिलता कर्जा सम्वन्धी अन्र्तरक्रिया कार्यक्रम उद्योग संगठन मोरङ महिला उद्यम समितीको अयोजनामा मिती २०७८ श्रावण १३ गते सम्पन्न भयो ।  

कार्यक्रममा संगठनका अध्यक्ष सुयष प्याकुरेलले महिला उद्यमीहरुद्धारा संचालित उद्योगको विकास एवं विस्तारका लागि वैंक तथा वित्तिय संस्थाहरुले सहुलियपूर्ण ब्याजदरमा कर्जा उपलब्ध गराउने व्यवस्था गनु पर्ने वताए । वैंक तथा वित्तिय संस्थाको प्रकृयागत जटिलताका कारण तुलनात्मक रुपमा महिला उद्यमशिलताको संख्यामा बढोक्तरी नभईरहेको औल्याउदै महिलाहरुको कर्जामा सहज पहुच स्थापना गर्न कर्जा प्रवाहको प्रकृयालाई सरलीकृत वनाउदै लैजानु पर्नेसुझाव दिए ।  कार्यक्रममा महिला उद्यम समितिको संयोजक प्रतिभा रिजाल ओलीले राज्यले महिलाहरुको उत्थानका लागि वित्तिय सेवा सुविधाहरु प्रदान गर्दै आएको वताउदै त्यस्ता सुविधाहरु उपभोग गर्न महिला जागरुकताको आवश्यकता औल्याईन । उनले महिलाहरुको सिर्जनशिलतालाई उद्यमशिलतामा परिवर्तन गरी आत्मनिर्भर तर्फ अग्रसर हुदै आर्थिक विकासमा योगदान पु¥याउनु पर्ने विचार व्यक्त गरिन । 

कार्यक्रममा वैंक तथा वित्तिय क्ष्ँेत्रमा महिला उद्यमीहरुका लागि उद्यमशिलता विकासका लागि व्यवस्था गरिएको सेवा तथा सुविधाका समवन्धमा नविल वैंक लिमिटेड विराटनगरका शाखा प्रवन्धक गुरु रेग्मीले वताएका थिए । 

महिला उद्यम समितिको सहसंयोजक जयश्री जाजुले महिला शसत्तिकरणका लागि महिलाहरुलाई उद्यमशिलता तर्फ अभिप्रेरित गर्दे आत्मनिर्भर वनाउनु पर्नेमा जोड दिईन । अन्तरक्रिया कार्यक्रममा महिला उद्यम समितिको सदस्यहरु, महिला उद्यमीहरुको सहभागिता रहेको थियो ।