आर्थिक बर्ष भरीमा उदयपुरमा सवारी दुर्घटना बाट ३८ जनाको मृत्यु भयो

 

(फायल फोटो) -- गाईघाट साउन १२ गते । रातो तारा डट कम,गत आर्थिक बर्षमा उदयपुरमा सवारी दुर्घटना बाट ३८ जनाको मृत्यु भएको छ । एक बर्षको अबधिमा भएको २ सय ३४ वटा साना, ठुला सवा्री दुर्घटनामा ३० पुरुष ,५ महिला र ३ बालक गरी ३८ जना को मृत्यु भएको जिल्ला टा«फिक प्रहरी कार्यालय गाईघाटले जनाएको  छ। अघिल्लो आर्थिक बर्ष २०७६÷०७७ मा सो अबधिमा सवारी दुर्घटना बाट ३१ जनाको मृत्यु भएको थियो । त्यसैगरी सवारी दुर्घटना बाट ७९ जना गम्भिर घाईते र ३०६ जना सामान्य घाईते भएका थिए । टा«फिक इन्चार्ज सई लिला कुमार श्रेष्ठले क्षमता भन्दा बढी यात्रु बोक्ने ,तिब्र गतीमा सवारी साधन चलेको र चालकले मादप पदार्थ सेवन गरेर सवारी साधन चलाएको कारण दुर्घटना भएको बताए । उनले बढी सवारी दुर्घटना मदन भण्डारी राजमार्गमा भएको बताए । सडकको मापदण्ड बिपरीत राजमार्गको धेरै ठाउमा सडक घुमारो भएको कारण चालकले थाहा नपाएर दुर्घटना भएको उनले बताए ।“ हरेक बर्ष सवारी दुर्घटना बढेको छ ।”उनलेभने । “सवारी साधनको बढदो चाप र टा«फिक नियम पुर्ण रुपमा पालना नगरेर सवारी चलाउदा दुर्घटना बाट मानबिय क्षती समेत बढेकोछ ।” उनले भने। टा«फिक प्रहरीले बर्षेनि चालक र सह ्चालक को लागी जनचेतनामुलक कार्यक्रम संचालन गरीदै आएपनि उनीहरुले सवारी नियम पुर्ण रुपमा पालना नगर्दा दुर्घटनाको जोखिम बढेको उनको भनाईछ ।