अदालत बाट बिभिन्न मितीमा सजाय र जरिवाना फैसला भएका फरार प्रतिवादी धमाधम पक्राउ पर्दै

 

गाईघाट १४ साउन । रातो तारा डट कम,प्रहरीको सक्रियतामा अदालत बाट बिभिन्न मितीमा सजाय र जरिवाना फैसला भएका फरार प्रतिवादी धमाधम पक्राउ पर्न थालेकाछन । लागु औषध गाजा कारोवारमा २८ दिन कैद र दुई हजार जरीवाना फैसला भएका त्रियुगा नगरपालिका ८ चुहाडेका ६६ वर्षिय पुर्ण बहादुर बिष्ट लाई उदयपुरको बेलका नगरपालिका ८ सेतिखोला स्थीत आफन्तको घर बाट बुधबार पका्रउ गरी जिल्ला अदालतमा पठाइएको प्रहरीले जनाएको छ । बिष्ट लाई फैसला कार्यान्वयन को लागि बिहिबार कारागार चलान गरिएको डिएसपि बेद प्रसाद गौतमले बताए । बिष्ट दुई बर्ष देखी फरार थिए । त्यसैगरी इलाका प्रहरी कार्यालय रामपुर ले अपराधिक अपभद्र गरेको कुसुर मुद्धामा फरार चार जना लाई प्रक्राउ गरेको छ । बेलका नगरपालिका ९ धौरी टोलका २७ वर्षिय मन कुमार राई ,वडा न ३ जाल्पादेवीका ३५ बर्षिय मिभ बहादुर बस्नेत , २८ वर्षिय शंकर खत्री र २४ वर्षिय बिनोद बस्नेत विहीबार पका्रउ परेकाछन ।