तालिबानी सरकारले महिला स्वास्थ्यकर्मीहरुलाइ काममा फर्कन आग्रह गर्यो

काठमाण्डौ भदौ १२ गते । रातो तारा डट कम, अन्तराष्ट्रिय समचार, काबुल बिमान स्थलमा भएको बंम बिस्पोष्ट पनि स्वास्थ्य कर्मीहरुको अभाव हुन थाले पनि तालिबान सरकारले महिला स्वास्थ्यकर्मीहरुलाई आफ्नो काममा जान आग्रह गरेको छ । 

अफगानिस्तानको काबुलमा बिहीवार भएको आक्रमणमा परि घाइते भएकाहरुको उपचारमा खटिनका लागि महिला स्वास्थ्यकर्मीलाई तालिबानले आग्रह गरेको हो । घाइतेहरुको उपचारमा जनशक्ति अभाव हुन थालेको भन्दै तालिबानका प्रवक्ता जबीउल्लाह मुजाहिदले ट्वीट गर्दै इस्लामीक अमीरातका स्वास्थ्य मन्त्रालयले सबै महिला कर्मचारिहरुलाई केन्द्र र प्रान्तमा नियमित रूपले आफ्नो काममा फर्किन आग्रह गर्नुभएको छ । 

उहाँले इस्लामिक अमीरातको तर्फबाट उनीहरुको काममा कुनैपनि अवरोध नपु¥याइने पनि प्रष्ट पार्नुभएको छ । अफगानिस्तानमा तालिबानले सत्ता कब्जा गरेपछि महिलाको काम लगायतका विषयमा बहस भइरहेको बेला इस्लामिक अमीरातको यो ट्वीट आएको हो । काबुल आक्रमणमा परि दर्जनौं घाइते भएका छन् र उनीहरुको स्थानीय अस्पतालमा उपचार भइरहेको छ ।