पानीको बहाव बढ्न थाले पछि गण्डकका सबै ढोका खोलिए भने कोशीमा पानीको बहाव आज बढ्ेको छैन ।

 

काठमाण्डौ भदौ १२ गते । रातो तारा डट कम, नारायणी नदीमा पानीको सतह बढेपछि गण्डक बाधका सबै ढोका खोलिएको छ । पानीको सतह ७ दशमलव ३३ मिटरभन्दा माथि गएपछि नवलपरासीको त्रिवेणीमा गण्डक ब्यारेजका सबै ढोका खोलिएको जिल्ला प्रशासन कार्यालय नवलपरासीले जनाएकोछ ।

त्यसैगरी सप्तकोशी नदीमा पानीको बहाव विस्तारै घट्न थालेको सुचनामा जनाइएका छ । उत्तरी पहाडी जिल्लासहित तराईका विभिन्न जिल्लामा विगत तीन–चार दिनदेखि लागातार परेको वर्षाका कारण कोशीमा पानीको बहाव बढ्दै गएको थियो । तर आज बिहान ६ बजे सप्तकोशीमा पानीको बहाव १ लाख ९६ हजार २५ क्यूसेक मापन गरिएको त्यहाको सुचनापाटीमा उल्लेख गरीएको छ । 

गयरातिसम्म पानीको बहाव १ लाख ९८ हजार २ सय १५ प्रतिसेकेन्ड क्यूसेक मापन गरिएको थियो । आज बिहान ४ बजेबाट पानीको बहाव विस्तारै घट्दै गएको छ ।