बाढी र पहिरा पीडितलाई सरकारले सहयोग गर्ने

 

काठमाण्डौ भदौ १५ गते । रातो तारा डट कम,सरकारले बाढी र पहिरोबाट पूर्ण क्षति भएका निजी आवास निर्माणको लागि अनुदान दिने भएको छ । बाढी र पहिरोबाट निजी घर गुमाएका प्रभावितलाई अस्थायी आवास निर्माणका लागि तत्काल ५० हजार रुपैयाँ दिइने राष्ट्रिय विपद् जोखिम न्यूनिकरण तथा व्यवस्थापन प्राधिकरण प्रवक्ता विश्वप्रकाश अर्यालले जानकारी दिनुभयो । उहाँले मनसुन सकिएपछि निजी आवास निर्माणको लागि हिमाली क्षेत्रमा ५ लाख, पहाडमा ४ लाख र तराईमा तीन लाख रुपैयाँ अनुदान दिने सीआईएनसँग बताउनुभयो । प्राधिकरणका अनुसार पछिल्लो तीन दिनमा ४ हजार ५ सय घर र ९० हजार सर्वसाधारण बाढी र पहिरोबाट प्रभावित भएका छन् ।