अदालत बाट कैद सजाय पाएर १६ वर्ष देखी फरार रहेका दुई प्रतिवादी आज जेल चलान

 

गाईघाट १४ भदौ । रातो तारा डट कम,ज्यान मार्ने उधोगमा अदालत बाट कैद सजाय पाएर १६ वर्ष देखी फरार रहेका दुई प्रतिवादी पका्रउ परेकाछन । जिल्ला अदालत उदयपुरले ज्यान मारेको कसुर ठहर गरी ६ वर्ष कैद सजाय तोकेका उदयपुरको रौतामाइ गाउपालिका ७ का ४४ वर्षिय अलप बहादुर रिखाम मगर र ३७ वर्षिय पुर्ण बहादुर मगर लाई प्रहरीले आइतबार बिहान पक्राउ  गरेको हो । लामो समय देखी फरार प्रतिवादीहरु रौतामाइ गापा ७ को डहरमा लुकीछिपी  बसेको सुचनाको आधारमा प्रहरीको विशेष टोलीले उनीहरु लाई बिहान ६ वजे पक्राउ गरेको जिल्ला प्रहरी कार्यालयका डिएसपि बेद प्रसाद गौतमले बताए । उनीहरु लाई फैसला कार्यान्वयनको लागि दिउसो जिल्ला अदालत मार्फत कारागर पठाईएको प्रहरीले जनाएको छ ।