फुटवल खेलमा आजदेखि छैटौं चरण सुरु हुने

काठमाण्डौ पुस ९ गते । रातो तारा डट कम, सहिद स्मारक ‘ए’ डिभिजन लिग फुटबल प्रतियोगितामा आजदेखि छैटौं चरणको खेल सुरु हुँदैछ । त्रिपुरेश्वरस्थित दशरथ रंगशालामा आज हुने पहिलो खेलमा सशस्त्र प्रहरीको एपीएफ क्लब र न्युरोड टिम एनआरटीबीच प्रतिस्पर्धा हुनेछ । यो खेल दिउँसो १ बजे सुरु हुनेछ । ५ खेलमा ४ अङ्क जोडेको एपीएफ ११ औं स्थानमा छ । ५ खेलमा ६ अङ्क जोडेको एनआरटी सातौं स्थानमा छ । यस्तै आजै दिउँसो पौने ५ बजे नेपाल पुलिस क्लब र फ्रेन्ड्स क्लब खेल्नेछन् । ५ खेलमा ५ अङ्क जोडेको पुलिस दशौँ स्थानमा रहँदा ५ खेलमा २ अङ्क मात्र जोडेको फ्रेन्ड्स क्लब पुछारमा छ ।