.gif)
श्याम राई- उदयपुर गाईघाट, १४ फागुन।रातो तारा डट कम, नेपाल कम्युनिष्ट पार्टी (एमाले) का सचिब योगेस भट्टराईले एमसिसिको विष्यमा सदनबाट जबाफ दिने बताएकाछन् ।
उनले सत्ता गठबन्धन दललाई नौटंकी गर्नेको जमात भन्दै एमालेले समय आएपछि सदनबाट एमसिसिको विषयमा निर्णय लिने बताए ।
स्थानीय निर्वाचनलाई लक्षितगरि पार्टी प्रशिक्षणको लागि गाईघाट आईपुगेका भट्टराईले शनीबार प्रेस चौतारी उदयपुरले आयोजना गरेको पत्रकार सम्मेलनमा बोल्दै एमसिसि सदनको विषय भएकोले सडकबाट त्यसको जबाफ नदिने बताए ।‘ हामी उत्तेजना र भावनाबाट वहकिएर सडकबाट जवाफ दिदैनौ, के गर्ने नगर्ने भन्ने बारे संसदबाट जबाफ दिन्छौ । त्यस बारेमा हामी प्रकृयामा पुगेका छैनौ ।’ उनले भने ।
गठबन्धन दलको दोहोरो चरित्रको कारण एमसिसि विवादमा परेको उल्लेख गर्दै सचिब भट्टराईले मुलुक जटिल अवस्थामा पुग्न लागेको बताए । उनले गठबन्धन सरकार बने यता मुलुकमा आर्थिक मन्दि आएको र बाह्रय शक्तिसंतुलन कमजोर बन्दै गएकोले अहिलेको गठबन्धनतत्कालभत्ताउनु पर्ने बताए ।
Post a Comment