बिराटनगरमा मेयर का उम्मेदवारले चुनाव प्रचारप्रसार सुरु गर्न थाले

 

विराटनगर चैत १६ गते । रातो तारा डट कम, चुनाव नजिकिदै गर्दा विराटनगर महानगरपालिका वडाहरुमा जनता समाजवादी पार्टीका तर्फबाट विराटनगरको मेयर पदका लागी उमेदवारका दावेदार दिएका विराटनगर वडा नं. –१४ जतुवाका उमेश यादव यती वेला चुनावी घरदैलो कार्यक्रममा व्यस्थ देखिन्छन् । मेयरका उमेदवार यादवले विराटनगरको समग्र विकासका लागि जनता समाजवादी पार्टीलाई जिताउन आग्रह गर्दै घरदौलो कार्यक्रमगरीरहेका छन् ।

घरदैलो कार्यक्रममा यादव सहित कार्यकर्ताहरु विराटनगरका वडा वडामा गई मतदाताहरुसँग भेटघाट गरी आफ्नो एजेण्डा बताउदै जनता समाजवादी पार्टी चुनाव चिन्ह छातामा नै मतदान गर्न पनि आग्रह गरेका छन् । 

यसअघि यादव २०७४ सालको निर्वाचनमा तेस्रो स्थानमा आएका यादव भन्छन्,“ अघिल्लो चुनावमा राम्रो नतिजा आएको थियो । यस पटक अवश्य चुनाव जित्ने छु ।”

जातिय र बर्गीय मुक्तिको लागि, सुशासन र समृद्घिको लागि, पहिचान सहितको संघियताको लागि, दलित भागबन्डा अन्त्यका लागि, विराटनगरको विकासका लागि छातामा भोट हालौं भन्दै यादव घरदैलो कार्यक्रम गरिरहेका छन् ।