आज सिरुवा पर्वको खोस्रो दिन हिलो खेलेर तराइमा मनाइदै,

बिराटनगर बैशाख २ गते । रातो तारा डट कम, आज तराइमा सिरुवा पर्व मनाइदै छ । पूर्वी नेपालका राजवंशी लगायत कोच समुदायमले यो सिरुवा पर्वलाई भव्यताका साथ मनाउदै आएका छन । सिरुवा पर्व आज बिभिन्न कार्यक्रहरु गरेर बिराटनगरको गुरुकुलमा राजवंशी र कोच समुदायले बिभिन्न कार्याक्रम गरेर मनाएका छन । 

 

दिपनारायण राजवंशीले नयाँ वर्षको अवसरमा मनाइने यो पर्व पानी, हिलो र रङ खेलेर तीन दिनसम्म मनाउने गरिएको छ । पहिलो दिन पानी, आज दोस्रो दिन हिलो र भोलि तेस्रो दिन रङहरु प्रयोग गरेर सिरुवा खेल्ने खेल्ने चलन रहिआएको बताएका  छन। 

चैत महिनाको अन्तिम दिन बेलुका ७ प्रकारका साग मिसाएर पकाईएको बिशेष परिकार सागसागी बैशाख १ गते बिहान खाने र साँझपरे पछि गाउँका महिला नजिकका खोलामा गएर तिस्ताबुरी माताको पुजा गर्ने चलन छ । 

कुसेस्वर राजवंशीले झापा, मोरङ र सुनसरीमा मुख्य बसोबास रहेको कोच समुदायका लागि सिरुवा पर्वले विशेष महत्व बोकेको बताउनु भएको छ।   सिरुवा पर्वमा लगाईने हिलो, पानी र रङले वर्षभरी शरीर स्फुर्त रहने र रोग नलाग्ने कोच समुदायको धार्मिक बिस्वास छ ।

राजवंशी चलचित्रकर्मी समवाद समितिका मोरङका अध्यक्ष कपिल राजवंशीले पश्चिमा संस्कृति, आगन्तुक भाषाको प्रवेश र युवाहरुले आफ्ना संस्कारसंस्कृतिमा भने कम चासो दिन थालेका बेला यो पर्वलाई प्राथमिक्ता राखेर अहिलेको पुस्ताले सिरुवा पर्व मनाइरहनु आजको सकारात्मक कुरा हो भन्नुभएको छ । यस्ता परम्परागत संस्कृतिको संरक्षणका लागि सरकारी पक्षबाट पनि पहल हुनुपर्ने राजवंशी समुदायको माग छ ।