.gif)
श्याम राई,उदयपुर गाईघाट, ११ जेष्ठ गते। रातो तारा डट कम, दुई दलको गठबन्धन उम्मेदबार कांग्रेसका राजेशचन्द्र श्रेष्ठ उदयपुरको कटारी नगरपालिकाको मेयरमा निर्वाचित भएकाछन् ।
युवा व्यावसायी श्रेष्ठले नेकपा ( माओवादी केन्द्र ) बाट विद्रोहीगरि चुनावी मैदानमा उत्रिएका कृष्ण प्रसाद बराललाई ४ सय ६५ मतान्तरले हराउँदै प्रमुख पदमा विजयी भएका हुन् । श्रेष्ठले ६ हजार ४ सय १७ मत मत ल्याउँदा बरालले ५ हजार ९ सय ५२ मत प्राप्त गरे ।
कटारी नपामा मेयर कांग्रेस र उप–मेयर माओवादी केन्द्रको भागमा परेको थियो । अन्तिम ५ सय मत गणना भैरहदा नेपाली कांग्रेस र नेकपा ( एमाले ) बिच तिब्र प्रतिस्पर्धा भैरहेको थियो । एमालेबाट उम्मेदबार बनेका निर्वतमान प्रमुख काजी श्रेष्ठलाई उछिन्दै बराल कांग्रेससँग प्रतिस्पर्धामा आएका थिए ।
उप–मेयरमा नेकपा ( एमाले ) की गिता खड्का विजयी भएकी छिन् । उनले माओवादी केन्द्रका उम्मेदबार विनोद कटुवाललाई २ हजार ५ सय ९२ मतान्तरले हराएकी छिन् । खड्काले छ हजार ४ सय १३ मत ल्याउँदा कटुवालले ३ हजार ८ सय २१ मत ल्याएकाछन् ।
१४ वडा रहेको कटारीमा १,५,६,१०,११,१३ र १४ वडागरि ७ वटा वडामा बडाअध्यक्षमा नेकपा ( एमाले ) ले विजयी हासिल गरेको छ । क्रमशः पदमलाल मगर, मोहन वहादुर तामाङ्ग, प्रेम वहादुर मगर, क्षेत्र वहादुर खड्का, अनन्त हामु, शुम्भु श्रेष्ठ र अम्बर वहादुर मगर निर्वाचित भएकाछन् । वडा न. ४ र ८ बाट स्वतन्त्र उम्मेदबार क्रमश भुपेन्द्र सिंह तामाङ्ग र नविन्द्र कुमार तामाङ्ग
विजयी भएको निर्वाचन अधिकृत राजकुमार राउतले बताए ।
त्यसैगरि २, ३ र ७ का वडाअध्यक्षमा क्रमशः कांग्रेसका प्रेम वहदुर क्षेत्री, पुष्कर खड्का र सुविन ढुंगाना निर्वाचित भएकाछन् । नेकपा (एकिकृत समाजवादीका बेग वहादुर आले मगर वडा न. ९ को वडाअध्यक्षमा र वडा न. १२ को वडाअध्यक्षमा यम्बर वहादुर कटुवाल निर्वाचित भएकाछन् ।
Post a Comment