५४९स्थानीय तहको मतपरिणाम आउँदा,नेपाली कांग्रेस पहिलो र एमाले दोस्रो स्थानमा आउदैछन ।

काठमाण्डौ जेठ ५ गते । रातो तारा डट कम, बैशाख ३० गते शुक्रवार भएको स्थानीय तह निर्वाचनको मतपरिणाम सार्वजनिक हुने क्रम देशभरीबाटै चलिरहेको छ । अहिले सम्म ५४९ स्थानीय तहको मत परिणाम आज आयोगले सार्वजनिक गरेकोे छ । 

नेपाली काँग्रेसले २ सय ४६ स्थानीय तहमा जित हाँसिल गरेको छ भने ७४ स्थानमा अगाडी रहेको छ । नेकपा एमाले १ सय ५५ पालिकामा विजयी हुँदा ४२ स्थानमा अग्रस्थानमा छ । माओवादी केन्द्रले १ सय ४ स्थानमा जित हाँसिल गरेको छ भने १३ स्थानमा अगाडी रहेको छ । 

अन्य तर्फ १९ जनाले स्थानीय तह प्रमुख पदमा जितेका छन् भने १३ स्थानीय तहमा अगाडी छन् । जनता समाजवादी पार्टी (जसपा)ले १४ स्थानमा जित निकालेको छ भने २० स्थानमा अगाडी रहेको छ । 

नेकपा एकीकृत समाजवादीले १० स्थानमा जितेको छ भने १० स्थानमा अगाडी रहेको छ । यस्तै लोकतान्त्रिक समाजवादी पार्टी (लोसपा) एक स्थानमा विजयी हुँदा ११ स्थानमा अगाडी छ ।