फलफूल पकाउने एसिटिलिन ग्यास प्रयोग गर्न नपाइने

बिराटनगर असार १५ गते । रातो तारा डट कम, फलफूल पकाउन प्रयोग हुने कार्वाइड (एसिटिलिन ग्यास) अव देखि प्रयोग गर्न नपाइने भएको छ । खाद्य प्रविधि तथा गुण नियन्त्रण विभागले सूचना जारी गर्दै फलफूलको आयात, उत्पादन, भण्डारण तथा बिक्री वितरणमा संलग्न सबै व्यवसायीलाई एसिटिलिन ग्यास प्रयोग गर्न निषेध गरेको जनाएको छ । आँप लगायत फलफूल खरिद गर्दा कार्टुन वा क्रेटमा फलफूलको प्रत्यक्ष सम्पर्कमा रहनेगरि केमिकल राखिएको पाइएमा खरिद नगर्न समेत विभागले उपभोक्तालाई आग्रह गरेको छ ।