झरी पर्ने सम्भावना भएकाले बाढी पैरोबाट जोगिन आग्रह

काठमाण्डौ असार १३ गते । रातो तारा डट कम,मौसम पुर्वानुमान महाशाखाले दिएको जानकारी अनुसार आज देशका धेरै ठाउँमा दिनभरजसो पानी झरी पर्ने सम्भावना रहेकोे जनाएको छ । प्रदेश–१, मधेस, वाग्मती, गण्डकी, लुम्बिनी र सुदूरपश्चिम प्रदेशका केही ठाउँमा ठूलो वर्षाको सम्भावना रहेको छ भने राति र भोलि पनि पानी पर्ने अनुमान गरिएको छ । गएको जेठ २२ गते नेपाल भित्रिएको मनसुन हिजो सुदूरपश्चिम प्रदेशमा प्रवेश गरेसँगै मनसुन देशभर फैलिएको  छ । आज र भोलि लगातारजसो पानी पर्ने भएकाले बाढी पहिरोको जोखिमबाट बच्न सबैलाई आग्रह समेत गरेको छ ।