लैगिक समता कायम गर्न सिद्धकाली महिला सशक्तिकरण

मोहन कुमार राई - चैनपुर १५, गते। रातो तारा डट कम, संखुवासभा, चैनपुर नगरलिका स्थित “लैगिक समता कायम गरौ”भन्ने मूल नाराका साथ सिद्धकाली महिला सशक्तिकरण समितिको दशौं साधारण सभा एवं छैटौ अधिवेशसन सम्पन्न भएको छ । 

संस्थाको अध्यक्ष हेमकुमारी चौहानको सभापतित्वमा सम्पन्न सो साधारण सभामा चैनपुर नगरपालिका नगर प्रमुख कृष्ण कुमार तामाङले  महिलाको हक अधिकारको पूर्ण रुपमा सदुपयोग गर्र्दै लक्षित वर्ग सम्म सेवा प्रदान गर्न आग्रह गर्नुभयो । नारी सशक्तिकरणलाई सम्झनुपर्दा निर्वाचनमा भोट हाल्ने अधिकारबाट बन्चित महिला अहिलेको अवस्थामा आइपुगेको स्मरण गर्नुहुँदै अधिकारको सहि सदुपयोग गर्न समेत नगरप्रमुख तामाले आग्रह गर्नुभयो । 

कार्यक्रममा जिल्ला समन्वय समिति संखुवासभाका उप प्रमुख वविता खत्रीले आधा आकाश ढाक्ने नारीले पुरुषले जतिकै काम गर्न सक्छ भन्ने उदाहरण दिनुहुँदै अधिवेशनले अझ सशक्त रुपमा अघि बढ्न सक्ने समिति चयन होस भन्ने शुभकामना दिनुभएको थियो ।

संस्थाको सचिव नमिता काफ्लेले ३ लाख ५८ हजार १ सय ३२ रुपया आम्दानी मध्ये २ लाख ६७ हजार ४ सय ५८ खर्च भई ८० हजार ६ सय ७४ रुपैया मौजदात रहेको आर्थिक गतिविधि विवरण पेश गर्नुभएको थियो । कार्यक्रममा शुभकामना मन्तव्य दिने क्रकममा चैनपुर नगरपालिका वडा नं. ५ का वडाध्यक्ष कालीबहादुर लिम्बूले नेपालको सविधान र कानुमा समेत आफ्नो हक अधिकारको विषयमा अध्ययन गरेर अझ अघि बढ्न सुझाव दिनुभयो । त्यसैगरी सञ्चारकर्मी पदम बहादुर अधिकारीले संस्थाले समाज रुपान्तरणमा थप सहयोग पु¥याएकोमा खुःशी व्यक्त गर्नुभयो । नेपाली काँग्रेस जिल्ला सम्पादन सदस्य ज्ञानबहादुर कार्कीले महिला हक अधिकारको सदुपयोग गर्दै समाजमा रहेका विकृती विसँगती हटाउउँदै समाज विकासमा अघि बढ्न आग्रह गर्नुभयो । यसैगरी कार्यक्रममा चैनपर नगरपालिका वडा नं. ३ का वडाध्यक्ष बलबहादुर अधिकारी, नेकपा एमाले पार्टी पार्टी प्रतिनिधि एवं चैनपुर नगरपालिका  पूर्व नगरप्रमुख भरत कुमार खत्री  शारदा मावि पोखरीका प्रअ अमृतबहादुर कार्की लगायतले शुभकामना मन्तव्य दिनुभएको थियो ।  

संस्थाको बन्दसत्रले बुधबार अवेर सम्म संस्थाको पदाधिकारीको चयन हुन नसकेको पूर्व सचिव नमिता काफ्लेले जानकारी दिनुभयो ।