मनसुन भित्रिएपछि धान रोपाइ किसानले सुरु

काठमाण्डौ असार १६ गते । रातो तारा डट कम,कृषि तथा पशुपन्छी विकास मन्त्रालयले दिएको जानकारी अनुसर नेपालका बिभिन्न क्षेत्रमा २० प्रतिशतमात्रै धानको रोपाइँ भएको जनाएको छ । अहिलेसम्म सबैभन्दा धेरै रोपाइँ सुदूरपश्चिम र कर्णाली प्रदेशमा भएको छ । सुदूरपश्चिममा झण्डै ४७ प्रतिशत र कर्णालीमा ४० प्रतिशत रोपाइँ भएको छ । मनसुन भित्रिएपछि पूर्वमा रोपाइँ सुरु भएको थियो । त्यहाँ अहिलेसम्म झन्डै १८ प्रतिशत, वाग्मतीमा ३१ प्रतिशत, गण्डकीमा १४ प्रतिशत र लुम्बिनीमा १० प्रतिशत रोपाइँ भएको छ । मधेस प्रदेशमा रोपाइँ सुरु हुन सकेको छैन । सबैभन्दा धेरै मध्य, पूर्व र तराई क्षेत्रमा धान खेती हुने गरेको छ । साउनको पहिलो हप्तासम्म ९० प्रतिशतसम्म धान रोपाइ हुने जनाएको छ ।