पहिरोको कारण सडक अवरुद्ध

 

श्याम राई, उदयपुर - गाईघाट, १६ असार। रातो तारा डट कम, अविरल वर्षाको कारण त्रियुगा नगरपालिका–७ स्थित मदन भण्डारी राजमार्गको कालिखोला सडक खण्डमा बुधबार राती झरेको पहिरोको कारण अवरुद्ध बनेको उक्त राजमार्गमा विहीबारदेखि एकतर्फी रुपमा यातायात सूचारु गरिएको छ ।

सडकदेखि माथिबाट झरेको पहिरोको कारण उक्त राजमार्ग हुदै पश्चिम तर्फ चल्ने सवारी साधन रोकिएपछि सडक आयोजना कार्यालय र नगरपालिकाको २ वटा स्काभेटर प्रयोग गरेर सडकको पहिरो हटाउन शुरु गरेपछि दिउँसो देखि एक तर्फी सवारी साधन संचालनमा आएको मदन भण्डारी राजमार्ग सडक आयोजनाका प्रमुख गोपाल खकुरेलले बताए ।

माथिबाट थप पहिरो खसी रहेको कारण पूर्ण रुपमा पहिरो हटाउन नसकिएको उनले बताए । ‘ पहिरो हटाउन अझै केहि दिन लाग्न सक्छ ।’ उनले भने । वर्षा अझै भैरहेकोले काम गर्न गाह्रो भएको उनले बताए ।