सुनसरी र उदयपुरका बाढि प्रभावित परिवारलाई चौधरी फाउन्डेसनको सहयोग

सुनसरी इटहरी भाद्र ८गते | रातो तारा डट कम,चौधरी फाउन्डेसनले सुनसरी र उदयपुरका बाढि प्रभावित परिवारलाई सहयोग हस्तान्तरण गरेको छ । फाउन्डेसनले संकल्प सि.बि.आर. नेपाल, करुणा फाउन्डेसन र एसिया प्यासिफिक अलाइन्ससंगको सहकार्यमा २ सय ३६ घरधुरीलाई खाधान्न सहित आवस्यक सामग्री वितरण गरिएको हो । भदौ ४ गते बाढि कटान क्षेत्र बराहक्षेत्रको वडा नम्बर ३ र ६ को ११६ घरधुरी लाई खाधान्न सहित झुल र टर्च लाईट वितरणगरिएको थियो । 

बराहक्षेत्रको सहयोग वितरण कार्यक्रममा सुचना तथा संचार मन्त्रि ज्ञानेन्द्र बहादुर कार्की, बराहक्षेत्र नगरपालिकाका मेयर रमेश कार्की, चौधरी फाउन्डेसन प्रदेश १ को-अर्डिनेटर पुण्य प्रसाद लुइटेल लगायतको सहभागिता रहेको थियो । यस्तै भदौ ५ गते आइतवार उदयपुरको बेलाका नगरपालिका वार्ड ३ र ९ मा पनि बाढिबाट प्रभावितहरुलाई राहत वितरण गरिएको छ । 

बेलाकाको राहत वितरण कार्यक्रममा वडाअध्यक्ष तथा सहयोगी संस्थाका प्रतिनिधिहरुको सहभागिता रहेको थियो । वितरण गरिएको राहतमा प्रति घरधुरी २५ किलो चामल, २ किलो दाल, २ किलो चिनी, १ किलो नुन, २ लिटर खाने तेल, २ प्याकेट बेसार, सुपानेट झुल १ थान, इलेक्ट्रिक टर्च लाइट १ थान र साबुन ६ थानका दरले प्रदान गरिएको थियो ।