चाडवाड लागे सँगै भोलेश्वर टोल विकास संस्था द्वारा वृहद सरसफाई कार्यक्रम

 

शिव भट्टराई, मोरङ असोज ८ गते शनिबार | रातो तारा डट कम, मोरंगको सुन्दरहरैचा नगरपालिका वार्ड नं ४ मा रहेको भोलेश्वर टोल बिकास संस्थाले आउँदै गरेको विजय दशमी, दीपावली तथा छठ पर्वलाई लक्षित गर्दै शनिबार वृहद सरसफाई कार्यक्रम सम्पन्न गरेको छ। सुन्दरहरैचा वार्ड नं ४ विभिन्न एरियामा सरसफाई गर्दै बाटोको फोहोर सरसफाई गरि व्यवस्थापन गरिएको छ। 

सरसफाई कार्यक्रममा सुन्दरहरैचा नगरपालिकाका नगरप्रमुख केदार प्रसाद गुरागाई, वार्ड नं ४ का वडा अध्यक्ष कैलाश बस्नेत विभिन्न टोल विकास संस्थाका प्रतिनिधिहरू, सामाजिक व्यक्तित्व साथै स्थानीयबासीहरुको सहभागिता रहेको थियो। सुन्दरहरैंचा वार्ड नं ५ का वडाध्यक्ष कैलाश बस्नेतले यस सरसफाई कार्यक्रमलाई निरन्तरता दिने बताउँदै वार्ड नं ४ एरियामा लामखुट्टेको टोकाइबाट लाग्ने रोग डेङ्गु, मलेरियाको रोकथामको लागि औषधि छिट्ने बताएका छन्।त्यसैगरी टोल विकास संस्थाका प्रतिनिधि मोहन ढकालले सरसफाई कार्यक्रममा सहभागी जनाएर सहयोग पुर्याएकोमा सम्पूर्णलाई धन्यवाद व्यक्त गरेका थिए।