पहिचान पक्षधरले किरात फोर्स गठन गरे

श्याम राई÷उदयपुर गाईघाट, १४ बैशाख | किरात प्रदेश नामाकरणको आन्दोलनलाई शसक्त ढंगले अघि बढाउने उदेश्यले खोटाङमा बुधबार पहिचान पक्षधरले किरात फोर्स गठन गरेको छ ।

कोशी प्रदेश खारेजगरि किरात प्रदेश नामाकरणको लागि दबाब मूलक कार्यक्रम गर्दै आईरहेको उनीहरुले आन्दोलन शसक्त बनाउन निर्मल राईको संयोजकत्वमा १०१ सदस्यीय किरात फोर्स गठन गरेको हो ।

पहिचानको आन्दोलनमा शहिद भएका पदम लिम्बुको तस्विर अंकित कालो टि–सर्टधारी युवा दस्तालाई शुभम फाउण्डेसनको हलमा भेला गराईएको थियो ।

फोर्स आन्दोलनमा उत्रने नेता, कार्याकर्ताको सुरक्षा प्रदान गर्ने संयोजक राईले बताए ।