साहित्यकार बरालसहित विभिन्न क्षेत्रमा योगदान पु¥याउने व्यक्तिहरू पुरस्कृत

विराटनगर | विराटनगरका दैनिकी कवि तथा साहित्यकार हरिप्रसाद बरालसहित ५ जना व्यक्तिलाई कमला–राजबहादुर कुँवर सामाजिक सेवा गुठीले पुरस्कृत गरेको छ । सोमबार विराटनगरमा आयोजित कार्यक्रममा साहित्यसहित विभिन्न क्षेत्रमा योगदान पु¥याउने व्यक्तिहरुलाई गुठी पुरस्कृत गरेको हो । पाँच दशकभन्दा लामो समयदेखि शिक्षा क्षेत्रमा सक्रिय कमला–राजबहादुर कुँवरको नाममा स्थापित गुठीले ११ हजार राशिको साहित्यतर्फको पुरस्कारबाट साहित्यकार एवं समालोचक बराल पुरस्कृत भएका हुन् ।

२५ हजार राशिको कमला–राजबहादुर कुँवर साहित्य पुरस्कार काठमाडौंका साहित्यकार इन्द्रकुमार श्रेष्ठ ‘सरित’लाई प्रदान गरियो । १५ हजार राशिको शिक्षा पुरस्कार शिक्षासेवी सर्वाणी भट्टाचार्य तथा जनही ११ हजार राशिको खेलकुद पुरस्कार विकेन थापा र मेधावी छात्र डा. अनुपम कोइरालालाई प्रदान गरिएको थियो । पुरस्कृत सबैलाई कोशी प्रदेशका उद्योग, कृषि तथा सहकारीमन्त्री भक्तिप्रसाद सिटौला, आयोजक संस्थाका अध्यक्ष दिङ्लाली कान्छोलगायतले दोसल्ला ओढाएर सम्मानपत्र प्रदान गरेका थिए ।

कार्यक्रमलाई सम्बोधन गर्दै मन्त्री सिटौलाले साहित्यले समाजलाई सही बाटोमा अगाडि बढाउने बताए । कार्यक्रममा पुरस्कृत व्यक्तिहरुसहित वरिष्ठ साहित्यकार प्राज्ञ दधिराज सुवेदी, प्राज्ञ विवश पोखरेल, प्राज्ञ गंगा सुवेदीलगायतले शुभकामना मन्तव्य व्यक्त गरेका थिए । पाँच दशकभन्दा लामो समयदेखि शिक्षा क्षेत्रमा सक्रिय कमला–राजबहादुर कुँवरको नाममा स्थापित गुठीले हरेक वर्ष विभिन्न क्षेत्रमा योगदान पु¥याउने व्यक्तिहरुलाई सम्मान गर्दै आएको छ ।