सांकेतिक भाषा दिवसका अवसरमा जनचेतनामूलक ¥याली

विराटनगर ÷ छैठौं अन्तर्राष्ट्रिय सांकेतिक भाषा दिवस तथा अन्तर्राष्ट्रिय बहिरा सप्ताह–२०२३ को अवसरमा विराटनगरमा जनचेतनामूलक ¥याली निकालिएको छ ।

स्थानीय जनआन्दोलनचोकबाट शनिबार जनचेतनामूलक ¥याली निकालिएको थियो । राष्ट्रिय बहिरा महासंघ नेपाल कोशी प्रदेश समिति, कोशी बहिरा संघ मोरङको आयोजना तथा कोशी प्रदेश सामाजिक विकास मन्त्रालय र विराटनगर महानगरपालिकाको सहयोगमा ¥याली निकालिएको हो । ¥यालीको विराटनगर महानगरपालिकाकी कार्यबाहक मेयर शिल्पा निराला कार्कीले शुभारम्भ गर्नुभएको थियो ।

 कार्यक्रममा बोल्दै कार्यबाहक मेयर कार्कीले सांकेतिक भाषाको प्रयोगमा जोड दिनुभयो । उहाँले पछिल्लो समय बोल्ने र नबोल्ने सबैले सांकेतिक भाषा सिक्नुपर्ने आवश्यकता रहेको बताउनुभयो । उपप्रमुख कार्कीले सांकेतिक भाषा शब्दावलीमा आवश्यकताअनुसारको नयाँ शब्दहरु थप्दै लैजानुपर्ने विषयमा समेत जोड दिनुभयो ।

सो अवसरमा बोल्दै राष्ट्रिय बहिरा महासंघ कोशी प्रदेश अध्यक्ष सीताराम ओझाले विश्वभरि असोज १ गतेदेखि सांकेतिक भाषा दिवस साताव्यापीरुपमा मनाउने प्रचलन रहे पनि आर्थिक अवस्थाकै कारण नेपालमा त्यो सम्भव नभइरहेको गुनासो गर्नुभयो । जनचेतनामुलक ¥यालीले जलजलामोड हुँदै विराटनगरका विभिन्न भागको परिक्रमा गरेर ट्राफिक चोकमा पुगेर समापन भएको थियो ।