मोहन कुमार राई ÷ कार्तिक ४ गते | संखुवासभा, चैनपुर नगरपालिका स्थित मुख्य बजारमा बजार अनगमन । अनुगमने नियम विपरित विक्रीका लागि राखिएको सामग्री बरामत गरेको छ ।
चैनपुरको खराङ्गबजार, पोखरी बजार र चैनपुर बजारमा इलाका प्रशासन, सुरक्षा निकाय तथा नगरपालिकाको संयुक्त टोलीले बजारक्षेत्रमा अनुगमन गरेको छ । अनुगमनले समय सिमा नाघेका विक्रीका लागि पसलमाराखेको भेटेपछित्यस्ता सामान बरामत गरेको हो ।
विक्रीका लागि फ्रिजमा राखिएका कोक, डिउ, पेप्सी, स्ट्रिङ, वियर, प्याकेटमा रहेको कुरमुरे, चिप्स, चाउचाउ, मेथी, ज्वानो, खुर्सानीको धुलो, सुप, मिटमसला, खाने तेल, वेसार, खानामा प्रयोग हुने रङ लगायतको सामग्री बरामत गरिएको थियो ।
त्यसै गरी एग्रोभेटबाट विरुवामा लगाउने औषधी, पशुको औषधी, तरकारी वालीको विउ वरामत गरेको छ । कस्मेटिक पसलबाट विभिन्न ब्राण्डको सेम्पो, कन्डीसनर, भ्यास्लीन, क्रिम, लगायतको समग्री बरामत गरेको हो । मानिसको लागि प्रयोग गरिने औषधी समेत प्रयोग गर्ने समय सकिएको तर विक्रीका लागि राखिएको पाइएको छ ।
यस्ता म्याद सकिएको समग्री विक्री नगर्न पुन दोहोरीए कानुनी कारवाही हुने समेत व्यवसायलाई अनुगमन टोलीले निर्देशन दिएको छ । अनुगमनमा नाप तौल, वस्तुको मूल्य सूचि, विलको प्रयोग, व्यवसाय दर्ता भए नभएको, समेत निरीक्षण गरेको थियो ।
व्यवसायीलाई म्याद सकिएका समग्री पसल बाट छुटै ठाउमा राख्न एक्पायर जोनको व्यवस्था गरिनु पर्ने, सहि नापतौल, मुल्य सूचि जस्ता पक्षलाई ध्यान दिन इलाका प्रशासन कार्यलयका प्रमुख दिनेश वस्नेतले सुझाएका थिए । मानव स्वास्थ्य सँग जोडिएको व्यापार व्यवसायमा सवैले ध्यान नदिए रोगीको संख्या बढ्ने भएकाले सबैले सचेत रहनुपर्ने चैनपुर नगरपालिका स्वास्थ्य शाखा प्रमुख नरबहादुरश्रेष्ठले वताउनुभयो ।
चाडपर्व नजिकए सँगै उपभोक्ताको घरमा उचित खाद्य वस्तु पु¥याने हेतुले बजार अनुगमन गरेको अनुगमन टोलीका सदस्य सचिव सूर्यकिरण भण्डारीले वताए । यस किसिमको अनुगमन निरन्तर रुपमा गाउँ, टोलवस्तीसम्म गरिने समेतअनुगमन सदस्य सचिवभण्डारीले वताउनुभयो ।
